Tverrdalen og Langedalen

Fonn (300 moh) er endepunkt i aust på vegen i Stardalen. Fonn ligg tett inntil Jostedalsbreen, mellom høge fjell og vill natur.

RUTE A: TVERRDALEN / GALLEN (1386 moh):

Turtid 6-8 timar t/r. Denne turen krev fjellerfaring. Frå enden av bilvegen følg sti til bru over elv. Fortsett vidare innover Tverrdalen til du møter elv frå høgre. Herifrå går stien til høgre etter fjellryggen, og til toppen av Gallen. Bratt oppstigning i dramatisk natur

RUTE B: LANGEDALEN:

Turtid 2 timar t/r. Utgangspunkt om lag 150 m. før enden av bilvegen. Ta bru over elva på privat veg gjennom gardstunet. Fortsett på skogsveg og etter kvart vanleg sti (ikkje merka). Fin rasteplass på flate

ved elv frå høgre. Dette er ein lett og roleg familietur omkransa av vill natur.